ഫ്രഞ്ച് ഓപ്പൺ: പതിനാലാം തവണ കിരീടം സ്വന്തമാക്കി റാഫേൽ നദാൽ

Metrom Australia June 6, 2022 SPORTS

പാരിസ്: ഫ്രഞ്ച് ഓപ്പൺ പുരുഷ വിഭാഗം സിംഗിൾസ് കിരീടം നേടി റാഫേൽ നദാൽ. ജയത്തോടെ ഇരുപത്തിരണ്ടാം ഗ്രാൻഡ്സ്ലാം കിരീടവും ഫ്രഞ്ച് ഓപ്പണിൽ പതിനാലാം ട്രോഫിയും നദാൽ സ്വന്തമാക്കി. നോർവേ താരം കാസ്‌പർ റൂഡിനെ നേരിട്ടുള്ള 3 സെറ്റുകൾക്കാണ് നദാൽ പരാജയപ്പെടുത്തിയത്. സ്‌കോർ 6-3, 6-3, 6-0. 

വെള്ളിയാഴ്ച 36–ാം പിറന്നാൾ ആഘോഷിച്ച നദാൽ ഇതോടെ ഫ്രഞ്ച് ഓപ്പൺ ജേതാവാകുന്ന പ്രായം കൂടിയ പുരുഷ താരമായി. കൂടാതെ 20 ഗ്രാൻഡ്സ്ലാം വിജയങ്ങൾ വീതമുള്ള റോജർ ഫെഡററിനും നൊവാക് ജോക്കോവിച്ചിനും 2 പടി മുന്നിലെത്താനും നദാലിന് സാധിച്ചു.

ഫ്രഞ്ച് ഓപ്പൺ വനിതാ സിംഗിൾസ് ഇഗ ഷ്വാൻടെക്കിന് കിരീടം

Metrom Australia June 5, 2022 SPORTS

ഫ്രഞ്ച് ഓപ്പൺ വനിതാ സിംഗിൾസ് കിരീടം ഇഗ ഷ്വാൻടെക്കിന്. ഫൈനലിൽ അമേരിക്കൻ താരം കോകോ ഗൗഫിനെ കീഴടക്കിയാണ് പോളണ്ടിന്‍റെ ഷ്വാൻടെക് കിരീടം നേടിയത്. പതിനെട്ടുകാരിയായ ഗൗഫിനെ നിഷ്പ്രഭമാക്കുന്ന പ്രകടനത്തോടെയാണ് ഇഗയുടെ വിജയം. സിംഗിള്‍സില്‍ ഇഗയുടെ തുടർച്ചയായ ആറാം കിരിടനേട്ടവും മുപ്പത്തിയഞ്ചാം വിജയവുമാണ്. ആദ്യ സെറ്റില്‍ ഇഗയുടെ മികവിന് മുന്നില്‍ പിടിച്ചു നില്‍ക്കാന്‍ ഗൗഫിന് സാധിച്ചില്ല. ആദ്യ സെറ്റില്‍ രണ്ടു തവണ ഗൗഫിന്‍റെ സെര്‍വ് ബ്രേക്ക് ചെയ്ത ഇഗ 6-1ന് സെറ്റ് സ്വന്തമാക്കി. രണ്ടാം സെറ്റിന്‍റെ തുടക്കത്തിലെ ഇഗയുടെ സെര്‍വ് ബ്രേക്ക് ചെയ്ത് ഗൗഫ് തിരിച്ചുവരവിന്‍റെ സൂചന നല്‍കി. എന്നാൽ നാലാം ഗെയിമിൽ ഗൗഫിനെ മറികടന്ന് ഇഗ കീരിടമണിഞ്ഞു.

ഓസ്‌ട്രേലിയൻ ക്രിക്കറ്റ് ടീം പരിശീലകൻ ആൻഡ്രൂ മക്‌ഡൊണാൾഡിന് കോവിഡ്

Metrom Australia June 3, 2022 SPORTS

ഓസ്‌ട്രേലിയൻ ക്രിക്കറ്റ് ടീം പരിശീലകൻ ആൻഡ്രൂ മക്‌ഡൊണാൾഡിന് കോവിഡ് സ്ഥിരീകരിച്ചു. ശ്രീലങ്കൻ പരമ്പരക്ക് പുറപ്പെടുന്നതിന് മുമ്പ് നടത്തിയ പരിശോധനയിലാണ് കോവിഡിന്റെ സാന്നിധ്യം തിരിച്ചറിഞ്ഞത്.

ജസ്റ്റിൻ ലാംഗർക്ക് പകരക്കാരനായി കഴിഞ്ഞ ഏപ്രിൽ 13നാണ് മക്‌ഡൊണാൾഡ് ഓസീസ് ടീം പരിശീലകനായി സ്ഥാനമേൽക്കുന്നത്. ലാംഗർ ഒഴിഞ്ഞപ്പോൾ സഹ പരിശീലകന്റെ റോളിൽ നിന്ന് പരിശീലകന്റെ റോളിലേക്ക് താരം എത്തുക ആയിരുന്നു.താരങ്ങളുമായി ഏറെ അടുപ്പം പുലർത്തുന്ന പരിശീലകനെ അവരുടെ നിർദേശ പ്രകാരമാണ് സ്ഥിരമാക്കിയത്.

കഴിഞ്ഞ പാകിസ്ഥാൻ പരമ്പരയിൽ മികച്ച പ്രകടനമാണ് ആൻഡ്രൂവിന്റെ കീഴിൽ ടീം നടത്തിയത്. അതേസമയം ആൻഡ്രൂ കോവിഡ് മുക്തനായി തിരിച്ചെത്തും വരെ സഹ പരിശീലകൻ ടീമിനെ നയിക്കും.

ഫ്രഞ്ച് ഓപ്പൺ: ബൊപ്പണ്ണ-മെഡയ്ല്‍ കൂപ്പ് സഖ്യം സെമിയില്‍

Metrom Australia June 1, 2022 SPORTS

ഇന്ത്യൻ താരം രോഹന്‍ ബൊപ്പണ്ണ ഫ്രഞ്ച് ഓപ്പണ്‍ പുരുഷ ഡബിള്‍സ് സെമിയില്‍ പ്രവേശിച്ചു. നെതര്‍ലാന്റിന്റെ മെഡ്‌യന്‍ കൂപ്പിനൊപ്പമാണ് ബൊപ്പണ്ണ മത്സരിക്കുന്നത്.

ലോയ്ഡ് ഗ്ലാസ്പൂള്‍-ഹാരി ഹെലിയോരെ സഖ്യത്തെയാണ് ബൊപ്പണ്ണ-മെഡ്‌യന്‍ കൂപ്പ് സഖ്യം ക്വാര്‍ട്ടറില്‍ തോല്‍പ്പിച്ചത്. രണ്ട് മണിക്കൂര്‍ നീണ്ടു നിന്ന മത്സരത്തില്‍ ആദ്യ സെറ്റ് നഷ്ടമായ ശേഷമാണ് ബൊപ്പണ്ണ സഖ്യത്തിന്റെ വിജയം. സ്‌കോര്‍: 6-4, 4-6, 6-7.

ടൈ ബ്രേക്കറിലേക്ക് നീങ്ങിയ അവസാന സെറ്റില്‍ കടുത്ത വെല്ലുവിളി അതിജീവിച്ചാണ് ബൊപ്പണ്ണ സഖ്യം വിജയിച്ചത്. സെമിയില്‍ മാഴ്‌സലോ അരെവാലോ-ജീന്‍ ജൂലിയന്‍ സഖ്യത്തെയാണ് ബൊപ്പണ്ണ സഖ്യം നേരിടുക.

അതേസമയം 42കാരനായ ബൊപ്പണ്ണ ഫ്രഞ്ച് ഓപ്പണില്‍ ആദ്യമായിട്ടാണ് ഡബിള്‍സ് ഫൈനലില്‍ പ്രവേശിക്കുന്നത്. 2017-ല്‍ മിക്‌സഡ് ഡബിള്‍സില്‍ ബൊപ്പണ്ണ കിരീടം നേടിയിരുന്നു.


 

ക്രിക്കറ്റ് താരങ്ങളായ കാതറിൻ ബ്രണ്ടും നതാലി സ്കീവറും വിവാഹിതരായി

Metrom Australia May 31, 2022 SPORTS

ഇംഗ്ലണ്ട് വനിതാ ക്രിക്കറ്റ് താരങ്ങളായ കാതറിൻ ബ്രണ്ടിനും നതാലി സ്കീവറിനും വിവാഹിതരായി. സ്വകാര്യ ചടങ്ങിൽ വെച്ചായിരുന്നു ഇരുവരുടേയും പ്രണയം സാഫല്യമായത്. കമന്‍റേറ്ററും മുൻ ഇംഗ്ലണ്ട് താരവുമായ ഇസ ഗുഹയാണ് ഇൻസ്റ്റ​ഗ്രാമിലൂടെ ഇക്കാര്യം പുറത്തുവിട്ടത്. ഇതിനു പിന്നാലെ ഇംഗ്ലണ്ട് ക്രിക്കറ്റിന്‍റെ ഔദ്യോഗിക ട്വിറ്റർ ഹാൻഡിലിലും ഇരുവർക്കുമുള്ള ആശംസ എത്തി.

"വിവാഹിതരായ കാതറിൻ ബ്രണ്ടിനും നാറ്റ് സ്കീവറിനും ഞങ്ങളുടെ ഊഷ്മളമായ അഭിനന്ദനങ്ങൾ," - എന്ന് ഇംഗ്ലണ്ട് ക്രിക്കറ്റ് ട്വീറ്റ് ചെയ്തു. 2019 ഒക്ടോബറിലായിരുന്നു ഇരുവരുടെയും എന്‍ഗേജ്മെന്‍റ് നടന്നത്. 2018ലെ പുതുവത്സര തലേന്ന് വിവാഹനിശ്ചയം നടത്താനായിരുന്നു ഇരുവരും തീരുമാനിച്ചിരുന്നത്. പിന്നീട് ഇതു മാറ്റിവയ്ക്കുകയായിരുന്നു. അതുപോലെ 2020 സെപ്തംബറില്‍ നടത്താനിരുന്ന വിവാഹം കോവിഡ് മൂലം നീണ്ടുപോയി. 

2013ലും 2004ലും നടന്ന അന്താരാഷ്ട്ര അരങ്ങേറ്റം മുതൽ ഇംഗ്ലണ്ടിന്‍റെ പ്രധാന താരങ്ങളാണ് സ്കീവറും ബ്രണ്ടും. ലോർഡ്‌സിൽ നടന്ന 2017 ഐസിസി വനിതാ ക്രിക്കറ്റ് ലോകകപ്പ് നേടിയ ഇംഗ്ലണ്ട് ടീമിന്‍റെ ഭാഗമായിരുന്നു ഇരുവരും. 2022-ൽ ന്യൂസിലൻഡിൽ നടന്ന ഐസിസി വനിതാ ക്രിക്കറ്റ് ലോകകപ്പിലാണ് അവസാനമായി കളിച്ചത്.