ഐപിഎൽ: ടിവി, ഡിജിറ്റല്‍ സംപ്രേഷണാവകാശം സ്റ്റാറിനും വയാകോമിനും

Metrom Australia June 15, 2022 SPORTS

അടുത്ത അഞ്ചു വര്‍ഷത്തെ ഐപിഎല്‍ മത്സരങ്ങളുടെ സംപ്രേഷണവകാശം സ്റ്റാര്‍ സ്പോര്‍ട്സും(ടിവി) റിലയന്‍സ് ഗ്രൂപ്പിനു കീഴിലുള്ള വയാകോമും (ഡിജിറ്റല്‍) സ്വന്തമാക്കി. ഈ വാർത്ത ബിസിസിഐയും 
ഔദ്യോഗികമായി സ്ഥിരീകരിച്ചു. 2023-2027 കാലയളവിലേക്കുള്ള സംപ്രേഷണവകാശമാണ് സ്വന്തമാക്കിയത്.  

മൂന്ന് ദിവസങ്ങളിലായി നടത്തിയ ഇ-ലേലത്തിലൂടെ ആകെ 48,390.52 കോടി രൂപയാണ് ടിവി, ഡിജിറ്റല്‍ സംപ്രേഷണാവകാശം വിറ്റതിലൂടെ ബിസിസിഐക്ക് ലഭിക്കുക. റെക്കോര്‍ഡ് തുകക്ക് സംപ്രേഷണവകാശം വിറ്റതിലൂടെ ലോകത്തിലെ ഏറ്റവും സംപ്രേഷണമൂല്യമുള്ള രണ്ടാമത്തെ ടൂര്‍ണമെന്‍റായി ഐപിഎല്‍ മാറി. 

23,575 കോടി രൂപക്കാണ് സ്റ്റാര്‍ ഇന്ത്യ അടുത്ത അഞ്ച് വര്‍ഷത്തേക്കുള്ള ടെലിവിഷന്‍ സംപ്രേഷണവകാശം സ്വന്തമാക്കിയത്. 20,500 കോടി രൂപക്ക് വയാകോം ഡിജിറ്റല്‍ സംപ്രേഷണവകാശം സ്വന്തമാക്കി. 18 നോണ്‍ എസ്ക്ലൂസിവ് മത്സരങ്ങളുടെ ഡിജിറ്റല്‍ സംപ്രേഷണവകാശത്തിനായി വയാകോം 3, 258 കോടി രൂപ കൂടി നല്‍കണം. ഓവര്‍സീസ് സംപ്രേഷണ അവകാശത്തിനായി 1057 കോടി രൂപ വയാകോമും ടൈംസ് ഇന്‍റര്‍നെറ്റും കൂടി മുടക്കി.

ടെലിവിഷന്‍ സംപ്രേഷണവകാശം നേടിയ സ്റ്റാര്‍ സ്പോര്‍ട്സ് ഓരോ മത്സരത്തിനും 57.5 കോടി രൂപ ബിസിസിഐക്ക് നല്‍കണം. ഡിജിറ്റല്‍, സംപ്രേഷണാവകാശം സ്വന്തമാക്കിയ വയാകോം ഓരോ മത്സരത്തിനും 50 കോടി രൂപയാണ് ബിസിസിഐക്ക് നല്‍കേണ്ടത്.കഴിഞ്ഞ സീസണ്‍ വരെ ഡിസ്നി ഗ്രൂപ്പിന്‍റെ കീഴിലുള്ള സ്റ്റാറിനും ഹോട് സ്റ്റാറിനുമായിരുന്നു ടിവി, ഡിജിറ്റല്‍ സംപ്രേഷണവകാശം.

ഐസിസി റാങ്കിങ്ങ്: ന്യൂസിലാന്റ് തലപ്പത്ത്; ഇന്ത്യയ്ക്ക് തിരിച്ചടി

Metrom Australia June 14, 2022 SPORTS

പുതിയ ഐസിസി റാങ്കിങ്ങ് പ്രഖ്യാപിച്ചു. റാങ്കിങ്ങ് പട്ടികയിൽ തലപ്പത്ത് ന്യൂസിലാന്റാണ്. 125 റെയ്റ്റിങ്ങ് പോയന്റും 1,505 പോയിന്റോടെയാണ് ന്യൂസിലാന്റ് ആദ്യ സ്ഥാനത്ത് എത്തിയത്. തൊട്ടുപിന്നിലായി 
ഇംഗ്ലണ്ടാണ്. ഓസ്‌ട്രേലിയ മൂന്നാം സ്ഥാനത്തുമാണ്.

അതേസമയം ഇന്ത്യയെ അഞ്ചാം സ്ഥാനത്തേക്ക് പിന്തള്ളി പാക്കിസ്ഥാൻ നാലാം സ്ഥാനം സ്വന്തമാക്കി. വെസ്റ്റ് ഇന്‍ഡീസിനെതിരെയുള്ള ഏകദിന പരമ്പര തൂത്തുവാരിയതാണ് പാക്കിസ്ഥാന് നേട്ടമായത്. ഇന്ത്യയേക്കാള്‍ ഒരു പോയന്റാണ് പാക്കിസ്ഥാന് കൂടുതലുള്ളത്. പാക്കിസ്ഥാന് 106 റെയ്റ്റിങ്ങ് പോയന്റും ഇന്ത്യക്ക് 105 റെയ്റ്റിങ്ങ് പോയന്റുമാണുള്ളത്. അതേസമയം ബാറ്റര്‍മാരുടെ റാങ്കിങ്ങില്‍ പാക്കിസ്ഥാന്‍ ക്യാപ്റ്റന്‍ ബാബര്‍ അസം ഒന്നാം സ്ഥാനത്തും ഇന്ത്യന്‍ നായകന്‍ വിരാട് കോഹ്ലി രണ്ടാം സ്ഥാനത്തുമാണ്.

ലാറയുടെ റെക്കോഡ് തകര്‍ക്കാന്‍ രോഹിത് ശർമയ്ക്ക് സാധിക്കുമെന്ന് മക്കല്ലം

Metrom Australia June 12, 2022 SPORTS

ക്രിക്കറ്റിലെ എക്കാലത്തേയും വലിയ റെക്കോഡുകളിലൊന്നാണ് വെസ്റ്റ് ഇന്ഡീസ് ഇതിഹാസമായ ബ്രയാന്‍ ലാറയുടെ ടെസ്റ്റിലെ ഒരിന്നിങ്‌സിലെ 400 റണ്‍ എന്ന റെക്കോഡ്. ഇതുവരെ ലാറയുടെ ഈ റെക്കോഡിന്റെ ഒപ്പം എത്താന്‍ ആര്‍ക്കും ഇതുവരെ സാധിച്ചിട്ടില്ല.

എന്നാൽ ഇന്ത്യന്‍ ക്യാപറ്റനും ഓപണിങ് ബാറ്ററുമായ രോഹിത് ശര്‍മക്ക് മാത്രമേ ലാറയുടെ ഈ റെക്കോഡ് തകര്‍ക്കാന്‍ സാധിക്കുള്ളുവെന്നാണ് മുന്‍ ന്യൂസിലാന്‍ഡ് ക്യാപ്റ്റനായ ബ്രന്‍ഡന്‍ മക്കല്ലത്തിന്റെ അഭിപ്രായം. ‘ലാറയുടെ 400 റണ്‍സ് എന്ന റെക്കോഡ് തകര്‍ക്കാന്‍ നിലവില്‍ രോഹിത് ശര്‍മയ്ക്ക് സാധിക്കുമെന്നാണ് എനിക്ക് തോന്നുന്നത്,’ എന്നാണ് മക്കല്ലം പറഞ്ഞത്.

അതേസമയം ഏകദിനത്തില്‍ ഏറ്റവും ഉയര്‍ന്ന വ്യക്തികത സ്‌കോര്‍ രോഹിത് ശര്‍മയുടേതാണ്. 2014ല്‍ ശ്രീലങ്കയ്‌ക്കെതിരെ നേടിയ 264 റണ്ണാണ് ഏകദിനത്തിലെ ഉയര്‍ന്ന സ്‌കോര്‍. മൂന്ന് തവണയാണ് ഏകദിനത്തില്‍ ഒരിന്നിങ്‌സില്‍ രോഹിത് 200 റണ്‍സ് നേടിയിട്ടുള്ളത്. 2013ല്‍ ഓസീസനെതിരെ നേടിയ 209 റണ്ണാണ് താരത്തിന്റെ ആദ്യ 200 റണ്‍ എന്ന നേട്ടം.

ടെസ്റ്റ് റാങ്കിംഗ്: ഒന്നാം സ്ഥാനത്ത് ലാബുഷെയ്ൻ; നേട്ടം കൊയ്ത് ജോ റൂട്ട്

Metrom Australia June 9, 2022 SPORTS

ഐസിസി ടെസ്റ്റ് ബാറ്റിംഗ് റാങ്കിംഗ് പ്രഖ്യാപിച്ചു. തലപ്പത്ത് ഓസ്ട്രേലിയയുടെ മാര്‍നസ് ലാബുഷെയ്ന്നാണെങ്കിൽ നേട്ടം കൊയ്ത് ഇംഗ്ലണ്ട് മുന്‍ നായകന്‍ ജോ റൂട്ടാണ്. ഏറ്റവും പുതിയ റാങ്കിംഗില്‍ രണ്ട് സ്ഥാനം മെച്ചപ്പെടുത്തിയാണ് റൂട്ട് രണ്ടാം സ്ഥാനത്തേക്ക് ഉയര്‍ന്നത്. 

ഒന്നാം സ്ഥാനത്തുള്ള ലാബുഷെയ്നുമായി 10 റേറ്റിംഗ് പോയിന്റ് വ്യത്യാസമാണ് റൂട്ടിനുള്ളത്. ലാബുഷെയ്ന് 892 റേറ്റിംഗ് പോയന്‍റും റൂട്ടിന് 882 റേറ്റിംഗ് പോയന്‍റുമുണ്ട്. ന്യൂസിലന്‍ഡിനെതിരായ ടെസ്റ്റ് പരമ്പരയിലെ ആദ്യ മത്സരത്തില്‍ ഉജ്ജ്വല സെഞ്ചുറിയുമായി ഇംഗ്ലണ്ടിനെ ജയത്തിലേക്ക് നയിച്ചതാണ് റൂട്ടിന്‍റെ കുതിപ്പിന് കാരണം. ന്യൂസിലന്‍ഡിനെതിരായ ആദ്യ ടെസ്റ്റില്‍ ഇംഗ്ലണ്ടിനായി 115 റണ്‍സടിച്ച റൂട്ട് പതിനായിരം റണ്‍സ് ക്ലബ്ബിലും എത്തിയിരുന്നു.

അതേസമയം 845 റേറ്റിംഗ് പോയന്‍റുള്ള ഓസ്ട്രേലിയയുടെ സ്റ്റീവ് സ്മിത്താണ് മൂന്നാം സ്ഥാനത്ത്. ബാബര്‍ അസം നാലാം സ്ഥാനത്തേക്ക് ഉയര്‍ന്നപ്പോള്‍ ന്യൂസിലന്‍ഡ് നായകന്‍ കെയ്ന്‍ വില്യംസണ്‍ അ‍ഞ്ചാം സ്ഥാനത്തേക്ക് ഇറങ്ങി.

ഇന്ത്യന്‍ നായകന്‍ രോഹിത് ശര്‍മ എട്ടാം സ്ഥാനത്തെത്തിയപ്പോൾ മുന്‍ നായകന്‍ വിരാട് കോലി പത്താം സ്ഥാനത്താണ്. വിക്കറ്റ് കീപ്പര്‍ ബാറ്ററായ റിഷഭ് പന്ത് പതിനൊന്നാം സ്ഥാനം നിലനിര്‍ത്തി.

അതേസമയം, ഓള്‍ റൗണ്ടര്‍മാരുടെ റാങ്കിംഗില്‍ ഇന്ത്യയുടെ രവീന്ദ്ര ജഡേജ ഒന്നാം സ്ഥാനം നിലനിര്‍ത്തി. ഇന്ത്യയുടെ തന്നെ ആര്‍ അശ്വിനാണ് രണ്ടാം സ്ഥാനത്ത്. വെസ്റ്റ് ഇന്‍ഡീസ് താരം ജേസണ്‍ ഹോള്‍ഡര്‍ മൂന്നാം സ്ഥാനത്താണ്.

ടെസ്റ്റ് ബൗളര്‍മാരില്‍ പാറ്റ് കമിന്‍സ് ഒന്നാം സ്ഥാനത്തും ഇന്ത്യയുടെ രവിചന്ദ്ര അശ്വിന്‍ രണ്ടാമതുമാണ്. ന്യൂസിലന്‍ഡിന്‍റെ കെയ്ല്‍ ജയ്മിസണാണ് മൂന്നാം സ്ഥാനത്ത്. ഇന്ത്യയുടെ ജസ്പ്രീത് ബുമ്ര ഒരു സ്ഥാനം താഴേക്കിറങ്ങി നാലാം സ്ഥാനത്താണ്.

ശ്രീലങ്കയ്‌ക്കെതിരെ ആദ്യ ടി20ക്കുള്ള ഓസ്‌ട്രേലിയന്‍ ടീമിനെ പ്രഖ്യാപിച്ചു

Metrom Australia June 7, 2022 SPORTS

മെല്‍ബണ്‍:  ശ്രീലങ്കയ്‌ക്കെതിരായ ആദ്യ ടി20യ്ക്കുള്ള ഓസ്‌ട്രേലിയന്‍ ടീമിനെ പ്രഖ്യാപിച്ചു.  ഡേവിഡ് വാര്‍ണര്‍,  സ്റ്റീവ് സ്മിത്ത്  എന്നിവർ ഉള്‍പ്പെട്ട ടീമിൽ ജോഷ് ഇഗ്ലിസ് ഇല്ല. പിച്ചിന്റെ സാഹചര്യം മനസിലാക്കിയാണ് താരത്തെ ഒഴിവാക്കിയതെന്ന് ക്യാപ്റ്റന്‍ ആരോണ്‍ ഫിഞ്ച് വ്യക്തമാക്കി. മൂന്ന് പേസര്‍മാരാണ് ടീമിലുള്ളത്. അഷ്ടണ്‍ അഗര്‍, കെയ്ന്‍ റിച്ചാര്‍ഡ്‌സണ്‍ എന്നിവരും ടീമിലുണ്ട്. 

ആദ്യ ടി20 മത്സരങ്ങളും കൊളംബോയിലാണ്. അവസാന ടി20 കാന്‍ഡിയില്‍ നടക്കും. ഇതേ വേദിയില്‍ ആദ്യ രണ്ട് ഏകദിനങ്ങള്‍ നേടക്കും. ശേഷിക്കുന്ന മൂന്ന് ഏകദിനങ്ങള്‍ക്കും കൊളംബോ തന്നെ വേദിയാകും. ടെസ്റ്റ് പരമ്പര ഗാലെയില്‍ നടക്കും.


ശ്രീലങ്കയ്‌ക്കെതിരെ ആദ്യ ടി20ക്കുള്ള ഓസ്‌ട്രേലിയന്‍ ടീം : ആരോണ്‍ ഫിഞ്ച് (ക്യാപ്റ്റന്‍), ഡേവിഡ് വാര്‍ണര്‍, മിച്ചല്‍ മാര്‍ഷ്, ഗ്ലെന്‍ മാക്‌സ്‌വെല്‍, ഗ്ലെന്‍ മാക്‌സ്‌വെല്‍, സ്റ്റീവ് സ്മിത്ത്, മാര്‍കസ് സ്റ്റോയിനിസ്, മാത്യു വെയ്ഡ്, അഷ്ടണ്‍ അഗര്‍, മിച്ചല്‍ സ്റ്റാര്‍ക്ക്, കെയ്ന്‍ റിച്ചാര്‍ഡ്‌സണ്‍, ജോഷ് ഹേസല്‍വുഡ്. 

ഓസ്‌ട്രേലിയയുടെ മുഴുവന്‍ ടീം : ആരോണ്‍ ഫിഞ്ച് (ക്യാപ്റ്റന്‍), ഡേവിഡ് വാര്‍ണര്‍, മിച്ചല്‍ മാര്‍ഷ്, ഗ്ലെന്‍ മാക്‌സ്‌വെല്‍, ഗ്ലെന്‍ മാക്‌സ്‌വെല്‍, സ്റ്റീവ് സ്മിത്ത്, മാര്‍കസ് സ്റ്റോയിനിസ്, മാത്യു വെയ്ഡ്, അഷ്ടണ്‍ അഗര്‍, മിച്ചല്‍ സ്റ്റാര്‍ക്ക്, കെയ്ന്‍ റിച്ചാര്‍ഡ്‌സണ്‍, ജോഷ് ഹേസല്‍വുഡ്, സീന്‍ അബോട്ട്, ജോഷ് ഇഗ്ലിസ്, ജേ റിച്ചാര്‍ഡ്‌സണ്‍, മിച്ചല്‍ സ്വെപ്‌സണ്‍.

ഓസ്‌ട്രേലിയ ഏകദിന ടീം : ആരോണ്‍ ഫിഞ്ച് (ക്യാപ്റ്റന്‍), അഷ്ടണ്‍ അഗര്‍, അലക്‌സ് ക്യാരി, പാറ്റ് കമ്മിന്‍സ്, കാമറൂണ്‍ ഗ്രീന്‍, ജോഷ് ഹേസല്‍വുഡ്, ട്രാവിസ് ഹെഡ്, ജോഷ് ഇഗ്ലിസ്, മര്‍നസ് ലബുഷെയ്ന്‍, മിച്ചല്‍ മാര്‍ഷ്, ഗ്ലെന്‍ മാക്‌സ്‌വെല്‍, സ്റ്റീവ് സ്മിത്ത്, മിച്ചല്‍ സ്റ്റാര്‍ക്ക്, മര്‍നസ് സ്‌റ്റോയിനിസ്, മിച്ചല്‍ സ്വെപ്‌സണ്‍, ഡേവിഡ് വാര്‍ണ്‍.