ബെംഗളൂരുവിൽ ഓസ്ട്രേലിയൻ കോൺസുലേറ്റ് സ്ഥാപിക്കും

Metrom Australia Nov. 20, 2021 GOVERNMENT

ബെംഗളൂരു: മുൻനിര ഐടി ഹബ്ബായ ബെംഗളൂരുവിൽ ഓസ്ട്രേലിയൻ കോൺസുലേറ്റ് സ്ഥാപിക്കാൻ നടപടികളുമായി ഓസ്‌ട്രേലിയൻ പ്രധാനമന്ത്രി സ്‌കോട്ട് മോറിസൺ. സാങ്കേതിക വിദ്യാ സമ്മേളനമായ ബെംഗളൂരു സമ്മിറ്റിൽ ഓൺലൈനായി പങ്കെടുത്തുകൊണ്ടാണ് അദ്ദേഹം ഇക്കാര്യം അറിയിച്ചത്. ബെംഗളൂരുവിലെ പുതിയ ദൗത്യം ഇന്ത്യയിലെ ഓസ്ട്രേലിയൻ നയതന്ത്ര സ്ഥാപനങ്ങളുടെ എണ്ണം അഞ്ചായി വർദ്ധിക്കും.

വാക്സിൻ സ്വീകരിച്ച രാജ്യാന്തര വിദ്യാർത്ഥികൾക്ക് NSWൽ ക്വാറന്റൈൻ വേണ്ട

Metrom Australia Nov. 15, 2021 GOVERNMENT

രണ്ട് ഡോസ് വാക്‌സിനും സ്വീകരിച്ച രാജ്യാന്തര വിദ്യാർത്ഥികൾ ക്വാറന്റൈൻ ചെയ്യേണ്ടതില്ലെന്ന് NSW പ്രീമിയർ ഡൊമിനിക് പെറോറ്റെ അറിയിച്ചു. തെറാപ്യൂട്ടിക് ഗുഡ്സ് അഡ്മിനിസ്ട്രേഷൻ അനുമതി നല്കിയിട്ടുളള വാക്‌സിനുകൾ സ്വീകരിച്ചവർക്കാണ് ക്വാറന്റൈൻ ആവശ്യമില്ലാത്തത്. അതേസമയം ഇന്ത്യയിൽ നിർമ്മിച്ച കൊവാക്സിൻ, ചൈനീസ് വാക്‌സിനായി BBIBP-CorV എന്നീ വാക്‌സിനുകൾക്ക് TGA കഴിഞ്ഞ ദിവസം അംഗീകാരം നൽകിയിരുന്നു.

രാജ്യാന്തര വിദ്യാർത്ഥികൾക്ക് അടുത്ത മാസം മുതൽ സംസ്ഥാനത്തേക്കെത്താമെന്ന് സംസ്ഥാന സർക്കാർ അറിയിച്ചിട്ടുണ്ട്. ഇന്തോനേഷ്യ, കാനഡ, ചൈന, വിയറ്റ്നാം, സിംഗപ്പൂർ എന്നിവിടങ്ങളിൽ നിന്നുള്ള 250 രാജ്യാന്തര വിദ്യാർത്ഥികളാണ് ന്യൂ സൗത്ത് വെയിൽസിലേക്ക് എത്തുന്നത്. ഡിസംബർ ആറിന് എത്തുന്ന ചാർട്ടഡ് വിമാനത്തിലാകും ഇവർ എത്തുക.

പുതിയ കാലാവസ്ഥാ വ്യതിയാന പ്രകടന സൂചികയിൽ ഏറ്റവും പിന്നിലായി ഓസ്ട്രേലിയ

Metrom Australia Nov. 10, 2021 GOVERNMENT

പുതിയ കാലാവസ്ഥാ വ്യതിയാന പ്രകടന സൂചികയിൽ ഏറ്റവും പിന്നിലായി ഓസ്ട്രേലിയ. 64 രാജ്യങ്ങൾ അടങ്ങുന്ന പട്ടികയിൽ ഓസ്‌ട്രേലിയ 58-ാം സ്ഥാനത്താണ്. കസാക്കിസ്ഥാൻ, സൗദി അറേബ്യ, റഷ്യ, ബ്രസീൽ എന്നീ രാജ്യങ്ങൾക്ക് ശേഷം ഏറ്റവും അവസാനമാണ് ഓസ്‌ട്രേലിയുടെ സ്ഥാനം. 

ഗ്ലാസ്‌ഗോയിൽ നടന്ന COP26 ഉച്ചകോടിയിൽ പുറത്ത് വിട്ട ഏറ്റവും പുതിയ കാലാവസ്ഥാ വ്യതിയാന പ്രകടന സൂചികയിൽ എല്ലാ വിഭാഗങ്ങളും പരിഗണിക്കുമ്പോൾ, റിന്യൂവബിൾസിൽ 52 ആം സ്ഥാനവും, ഊർജ്ജ ഉപയോഗത്തിന് 54 ആം സ്ഥാനവും, ഹരിതഗൃഹ വാതക ഉദ്‌വമനത്തിന് 56 ആം സ്ഥാനവുമാണ് ഓസ്‌ട്രേലിയ നേടിയത്. കാർബൺ ബഹിർഗമനം ഇല്ലാതാക്കാൻ പര്യാപ്തമല്ല ഓസ്‌ട്രേലിയയുടെ നയങ്ങൾ എന്നാണ് റിപ്പോർട്ട്. 

പുതിയ സാങ്കേതിക വിദ്യയിൽ കൂടുതൽ നിക്ഷേപം നടത്താനുള്ള ഓസ്‌ട്രേലിയയുടെ മാർഗരേഖ പാരമ്പര്യേതര ഊർജ്ജ സ്രോതസ്സുകളുടെ ഉപയോഗം കൂട്ടാൻ ആവശ്യത്തിന് പ്രോത്സാഹനം നൽകുന്നവയല്ല എന്നും റിപ്പോർട്ടിൽ പറയുന്നു. ഇതിന് പുറമെ ജൈവ ഇന്ധനങ്ങളുടെ ഉപയോഗം കുറയ്ക്കുന്നില്ല എന്നും വ്യക്തമാക്കുന്നു. 2050 ൽ നെറ്റ് സീറോ എന്ന പദ്ധതി ഓസ്‌ട്രേലിയ ഗ്ലാസ്ഗോയിൽ അവതരിപ്പിച്ചെങ്കിലും ഇതിനായുള്ള പുതിയ നയങ്ങളോ പദ്ധതികളോ മുൻപോട്ട് വയ്ക്കാത്തതിനെയും വിമർശിക്കുന്നുണ്ട്. അതേസമയം കാലാവസ്ഥാ പ്രതിസന്ധി പരിഹരിക്കാൻ നികുതി വർദ്ധിപ്പിക്കുകയല്ല, മറിച്ച് സാങ്കേതികവിദ്യയിലൂടെ പരിഹാരം കാണുകയാണ് ഓസ്‌ട്രേലിയ ചെയ്യുന്നതെന്ന് പ്രധാനമന്ത്രി പ്രതികരിച്ചു.

ഈ പട്ടികയിൽ ഡെന്മാർക്കാണ് ആദ്യ സ്ഥാനത്ത്‌. കഴിഞ്ഞ പന്ത്രണ്ട് മാസത്തിൽ ഏറ്റവും പുരോഗതി നേടിയ രാജ്യങ്ങളിൽ നെതെർലാൻഡ്‌സും ഗ്രീസുമാണ് മുന്നിൽ.

അതേസമയം പട്ടികയിൽ ഇന്ത്യ 10 ആം സ്ഥാനത്താണ്. റിന്യൂവബിൾ എനർജി രംഗത്ത് മീഡിയം റാങ്കിംഗ് ആണ് ഇന്ത്യ നേടിയത്. താരതമ്യേന കുറഞ്ഞ പ്രതിശീർഷ ഉദ്‌വമനം ഇന്ത്യയ്ക്ക് അനുകൂലമാണ്. 
ജർമ്മൻ പരിസ്ഥിതി വിദഗ്ധരാണ്  കാലാവസ്ഥാ വ്യതിയാന പ്രകടന പട്ടിക തയ്യറാക്കിയത്. 2005 മുതൽ ആഗോള ഉദ്‌വമനത്തിന്റെ 90 ശതമാനത്തിനും ഉത്തരവാദികളായ രാജ്യങ്ങളെ നാല് വിഭാഗങ്ങളിലായി തരംതിരിച്ച് താരതമ്യം ചെയ്യുകയായിരുന്നു.

ഇലക്ട്രിക് വാഹനങ്ങളുടെ ഉപയോഗം കൂട്ടാൻ പദ്ധതിയുമായി ഓസ്ട്രേലിയൻ സർക്കാർ

Metrom Australia Nov. 9, 2021 GOVERNMENT

ഓസ്‌ട്രേലിയയിൽ ഇലക്ട്രിക് വാഹനങ്ങളുടെ ഉപയോഗം വർദ്ധിപ്പിക്കുന്നതിനായി ഫെഡറൽ സർക്കാർ പദ്ധതി പ്രഖ്യാപിച്ചു. 2030 ഓടെ ഓസ്‌ട്രേലിയയിലെ 50 ശതമാനം പുതിയ വാഹനങ്ങളും ഇലക്‌ട്രിക് ആക്കുമെന്ന ലേബർ പാർട്ടിയുടെ വാഗ്ദാനത്തെ 2019 തെരെഞ്ഞടുപ്പിന് മുന്നോടിയായി പ്രധാനമന്ത്രി സ്കോട്ട് മോറിസൺ തള്ളി പറഞ്ഞിരുന്നു. എന്നാൽ ഇപ്പോൾ ഇലക്‌ട്രിക് വാഹനങ്ങളുടെ ഉപയോഗം കൂട്ടുന്നതിനായുള്ള പദ്ധതിക്ക് 250 മില്യൺ ഡോളർ ഫണ്ടിംഗ് പ്രഖ്യാപിച്ചു. സർക്കാർ പ്രഖ്യാപിച്ച സാമ്പത്തിക പിന്തുണക്കയ്ക്ക് തുല്യമായ തുക സ്വകാര്യ കമ്പനികളും രംഗത്ത് നിക്ഷേപിക്കുമെന്ന്  പ്രതീക്ഷിക്കുന്നതായി പ്രധാനമന്ത്രി സ്കോട്ട് മോറിസൺ വ്യക്തമാക്കി. 

പൊതുസ്ഥലങ്ങളിലും വീടുകളിലും വൈദ്യുതി ചാർജിംഗ് സംവിധാനങ്ങൾ ഒരുക്കുന്നതിനും കമ്മേർഷ്യൽ ഫ്‌ളീറ്റ് വാഹനങ്ങൾ, ദീർഘ ദൂര യാത്രകൾക്ക് ഉപയോഗിക്കുന്ന വാഹനങ്ങൾ എന്നിവ ഇലക്ട്രിക് ആക്കുന്നതിനായും ഈ ഫണ്ടിംഗ് ഉപയോഗിക്കുമെന്നാണ് റിപ്പോർട്ട്. ഈ  പദ്ധതിയിലൂടെ 2,600 പുതിയ തൊഴിലുകൾ സൃഷ്ടിക്കപ്പെടുമെന്ന് പ്രധാനമന്ത്രി  പറഞ്ഞു. കൂടാതെ ഈ പദ്ധതി 2021-22 മുതൽ മൂന്ന് വർഷത്തിനിടയിൽ 2,600 തൊഴിലുകൾ സൃഷ്ടിക്കുമെന്നും, 2035 ഓടെ കാർബൺ ബഹിർഗമനം എട്ട് മെട്രിക് ടൺ കുറയ്ക്കുമെന്നുമാണ് കണക്ക് കൂട്ടുന്നത്.

അതേസമയം ഇതിലൂടെ 50,000 വീടുകൾക്കും 400 ബിസിനസുകൾക്കും ചാർജിംഗ് സംവിധാനങ്ങൾ ഒരുക്കുകയും 1,000 പൊതു ചാർജിംഗ് സ്റ്റേഷനുകൾ നിർമ്മിക്കുകയുമാണ് ലക്ഷ്യം.
പദ്ധതി നടപ്പിലാക്കുന്നത് വഴി 84 ശതമാനം ഓസ്‌ട്രേലിയക്കാർക്കും ഫാസ്റ്റ് ചാർജിംഗ് സ്റ്റേഷനുകൾ ഉപയോഗിക്കാനുള്ള സൗകര്യം ഒരുക്കാൻ കഴിയുമെന്നാണ് പ്രതീക്ഷ. 

ഇലക്ട്രിക് വാഹനങ്ങളുടെ വിപുലമായ ഉപയോഗത്തിന് വൈദ്യുതി ഗ്രിഡ് സജ്ജമാക്കുന്നത് വഴി 224 മില്യൺ ഡോളർ അപ്ഗ്രേഡ് ചെലവുകൾ ലാഭിക്കാൻ കഴിയുമെന്നാണ് പ്രതീക്ഷിക്കുന്നത്. ഇതിന് പുറമെ 2035 ഓടെ ആരോഗ്യ മേഖലയിൽ 200 മില്യൺ ഡോളർ ചെലവ് ചുരുക്കാൻ കഴിയുമെന്നും കണക്ക് കൂട്ടുന്നു. അതോടൊപ്പം ഇലക്ട്രിക് വാഹനങ്ങളിലേക്ക് മാറാൻ കഴിയാത്തവരെ വാഹനം ഉപയോഗിക്കുന്നതിൽ നിന്ന് നിരോധിക്കുകയോ നികുതി ഈടാക്കുകയോ ചെയ്യാൻ ഉദ്ദേശിക്കുന്നില്ലെന്നും അദ്ദേഹം കൂട്ടിച്ചേർത്തു.

ഇന്ത്യൻ പ്രധാനമന്ത്രി നരേന്ദ്ര മോദി മാര്‍പാപ്പയുമായി കൂടിക്കാഴ്ച നടത്തുമെന്ന് കെസിബിസി

Metrom Australia Oct. 28, 2021 GOVERNMENT

കൊച്ചി:  ഇന്ത്യൻ പ്രധാനമന്ത്രി നരേന്ദ്ര മോദി ശനിയാഴ്ച ഫ്രാൻസിസ് മാര്‍പാപ്പയുമായി കൂടിക്കാഴ്ച നടത്തുമെന്ന് കെസിബിസി അറിയിച്ചു. കൂടിക്കാഴ്ച ഇന്ത്യ– വത്തിക്കാന്‍ ബന്ധം ഊഷ്മളമാക്കുമെന്നും കെസിബിസി വ്യക്തമാക്കി . ഈ മാസം 30, 31 തീയതികളിൽ നടക്കുന്ന ജി-20 സമ്മേളനത്തിനായി 29നാണ് പ്രധാനമന്ത്രി റോമിലെത്തുന്നത്.

ജി-20 സമ്മേളനത്തിൽ ഇറ്റലി പ്രധാനമന്ത്രി മാരിയോ ദ്രാഗിയുടെ ക്ഷണപ്രകാരമാണു മോദി പങ്കെടുക്കുന്നത്. അവിടെനിന്നു യുകെയിലെ ഗ്ലാസ്ഗോയിലെത്തുന്ന മോദി കാലാവസ്ഥാ വ്യതിയാനം സംബന്ധിച്ച സമ്മേളനത്തിലും  പങ്കെടുക്കും. 2020ൽ നടക്കേണ്ടിയിരുന്ന 120 രാഷ്ട്രത്തലവന്മാരുടെ സമ്മേളനം കോവിഡ് കാരണമാണ് ഈ വർഷത്തേക്കു മാറ്റിയത്.