'ബുക്ക് നൗ, പേ ലേറ്റര്‍' സേവനവുമായി ഐ.ആര്‍.സി.ടി.സി

[]

ഇന്ത്യന്‍ റെയില്‍വേ കാറ്ററിംഗ് ആന്‍ഡ് ടൂറിസം കോര്‍പ്പറേഷന്‍ (ഐആര്‍സിടിസി) ഉപയോക്താക്കള്‍ക്കായി പണം നല്‍കാതെ തന്നെ ട്രെയിന്‍ ടിക്കറ്റ് ബുക്ക് ചെയ്യാന്‍ പുതിയ ഫീച്ചര്‍. 'ബുക്ക് നൗ, പേ ലേറ്റര്‍' സേവനമാണ് ഉപയോക്താക്കളെ സഹായിക്കാനായി തയ്യാറാക്കിയിരിക്കുന്നത്. ഈ സംവിധാനത്തിലൂടെ അത്യാവശ്യ ഘട്ടങ്ങളില്‍ ഉപയോക്താക്കള്‍ക്ക് ആദ്യം ടിക്കറ്റുകള്‍ ബുക്ക് ചെയ്യാനും പിന്നീട് പണമടയ്ക്കാനും സാധിക്കും.

ട്രെയിന്‍ ടിക്കറ്റ് ബുക്ക് ചെയ്യുന്ന സമയത്ത് ടിക്കറ്റിന് ആവശ്യമായ പണമില്ലാത്തവരെ സഹായിക്കാനാണ് ഈ സംവിധാനം ഒരുക്കിയിരിക്കുന്നത്. ഇ-പേ ലേറ്റര്‍ ഓപ്ഷന്‍ ഉപയോഗിച്ച് ഉപയോക്താക്കള്‍ക്ക് ഐആര്‍സിടിസി വെബ്സൈറ്റ് വഴി ട്രെയിന്‍ ടിക്കറ്റ് ബുക്ക് ചെയ്യാം. റിസര്‍വ്ഡ്, അല്ലാത്തതുമായ ടിക്കറ്റുകളില്‍ ഇത് ബാധകമാണെന്ന് ഐ.ആര്‍.സി.ടി.സി അവകാശപ്പെടുന്നു.

 

ഡൊ​മി​നോ​സ് പി​സ സി.​എ​ഫ്‌.ഒ. മരണപ്പെട്ടു

[]

ലണ്ടന്‍: ഡൊമിനോസ് പിസ ഗ്രൂപ്പ് ഉന്നത ഉദ്യോഗസ്ഥന്‍ ഡേവിഡ് ബോയന്‍ഫീന്‍ഡ്(51) മൗറീഷ്യസില്‍ സ്‌നോര്‍ക്കെല്ലിംഗിനിടെ അപകടത്തില്‍പ്പെട്ട് മരണപ്പെട്ടു. കമ്ബനിയുടെ ചീഫ് ഫിനാന്‍ഷ്യല്‍ ഓഫീസറായ ബോയന്‍ഫീന്‍ഡ് വെള്ളിയാഴ്ചയാണ് മരിച്ചത്. മൗറീഷ്യസില്‍ കുടുംബത്തോടൊപ്പം അവധി ആഘോഷിക്കവെയായിരുന്നു അപകടമെന്നു ഡൊമിനോസ് പിസ ഗ്രൂപ്പ് വാര്‍ത്താക്കുറിപ്പില്‍ അറിയിച്ചു. ഏതു തരത്തിലുള്ള അപകടമാണ് സംഭവിച്ചതെന്നു വ്യക്തമല്ല. കഴിഞ്ഞ വര്‍ഷം ഒക്ടോബറിലാണു ബോയന്‍ഫീന്‍ഡ് ഡൊമിനോസ് പിസ ഗ്രൂപ്പ് സിഎഫ്ഒ ആയി ചുമതലയേറ്റത്.

ഫോര്‍ബ്സ് മാഗസിനിലെ ഏറ്റവും കൂടുതല്‍ പ്രതിഫലം വാങ്ങിയവരുടെ ലിസ്റ്റില്‍ ഒന്നാം സ്ഥാനത്ത് എട്ടു വയസ്സുകാരന്‍

[]

ടെക്സസ്: 2019ലെ ഫോര്‍ബ്സ് മാഗസിനിലെ ഏറ്റവും കൂടുതല്‍ പ്രതിഫലം വാങ്ങിയവരുടെ ലിസ്റ്റില്‍ ഒന്നാം സ്ഥാനത്ത് എട്ടു വയസ്സുകാരന്‍. റയാന്‍സ് ടോയ്സ് റിവ്യു എന്ന കുട്ടികളുടെ യു ട്യൂബ് ചാനലിലൂടെ റയാന്‍ കാജി എന്ന് എട്ടു വയസ്സുകാരന്‍ 26 മില്യന്‍ ( 260 ലക്ഷം) ഡോളര്‍ വരുമാനമുണ്ടാക്കി. 2018ല്‍ റയാന്‍ 22 മില്യന്‍ ഡോളറാണ് ഇതിലൂടെ നേടിയത്. 2015ല്‍ റയാന്‍സ് വേള്‍ഡ് എന്ന ചാനല്‍ റയാന്റെ മാതാപിതാക്കളാണ് ആദ്യമായി ആരംഭിച്ചത്. 22.19 മില്യന്‍ ആളുകളാണ് ഈ ചാനല്‍ ആദ്യ വര്‍ഷം തന്നെ സബ്സ്‌ക്രൈബ് ചെയ്തത്. 2019 വരെ ഈ ചാനല്‍ ബില്യണ്‍ പേര്‍ കണ്ടതായി സോഷ്യല്‍ ബ്ലെയ്സ് എന്ന വെബ് കാസറ്റിന്റെ സര്‍വേയില്‍ വെളിപ്പെടുത്തി. ഇതുവരെ ടോയ്സ് വിഡിയോകള്‍ മാത്രം കാണിച്ചിരുന്ന ഈ ചാനലില്‍ ഇപ്പോള്‍ വിദ്യാഭ്യാസ സംബന്ധമായ വിഷയങങളും ഉള്‍പ്പെടുത്തിയിട്ടുണ്ട്. ടെക്സസില്‍ നിന്നുള്ള ഷിയന്‍ കാജി, ലോണി കാജി എന്നിവരാണ് റയാന്റെ മാതാപിതാക്കള്‍. ഇരട്ട സഹോദരിമാരായ എമ്മയും കേറ്റിയും റയാനു നല്ല പിന്തുണ നല്‍കി വരുന്നു.

ദില്ലിയില്‍ ഓക്‌സിജന്‍ ബാര്‍ സങ്കേതങ്ങള്‍; 15 മിനിറ്റ്‌ ശുദ്ധവായുവിന് 299 രൂപ

[]

ഏഴ് വ്യത്യസ്ത സുഗന്ധങ്ങളില്‍ ശുദ്ധമായ ഓക്സിജന്‍ ലഭ്യമാക്കുന്ന ഓക്സിജന്‍ ബാര്‍ സാകേതില്‍. 15 മിനിറ്റ് ശുദ്ധവായു ശ്വസിക്കുന്നതിന് 299 രൂപയാണ് 'ഓക്സി പ്യൂര്‍' എന്ന ഓക്സിജന്‍ ബാറില്‍ ഈടാക്കുന്നത്. ആര്യവീര്‍ കുമാറാണ് ഓക്സി പ്യൂര്‍ തുടങ്ങിയത്. വായൂമലിനീകരണം അതീവഗുരുതരമായത് ആരോഗ്യപ്രശ്നങ്ങള്‍ സങ്കീര്‍ണ്ണമാക്കിയതോടെ നിരവധിപ്പേര്‍ ഓക്സിജന്‍ പാര്‍ലറില്‍ എത്തുന്നുണ്ട്. ഓക്സിജന്‍ പാര്‍ലറുകളില്‍ എത്തുന്നവര്‍ക്ക് ട്യൂബിലൂടെ ഓക്സിജന്‍ ശ്വസിക്കാം. കയ്യില്‍ കൊണ്ടുനടക്കാവുന്ന ചെറിയ ഓക്സിജന്‍ ബോട്ടിലുകളും ഇവിടെനിന്ന് ലഭിക്കും. പൂണൈ അടക്കം രാജ്യത്തെ വിവിധ നഗരങ്ങളില്‍ ഇത്തരം ഓക്സിജന്‍ ബാറുകള്‍ പ്രവര്‍ത്തിക്കുന്നുണ്ട്. ഡല്‍ഹി അന്താരാഷ്ട്ര വിമാനത്താളത്തില്‍ ഒരു ഓക്സിജന്‍ ബാറുകൂടി തുറക്കാന്‍ ഓക്സി പ്യൂര്‍ പദ്ധതിയിടുന്നുണ്ട്. കുട്ടികള്‍ക്കും വയോധികര്‍ക്കും ഏറെ ആശ്വാസം നല്‍കുന്നതാണ് ഓക്സിജന്‍ ബാറെന്ന് ചില സന്ദര്‍ശകര്‍ പറഞ്ഞു.